إنتِ أفنانُ المحبة والسلام
بنت أمورة عليكِ الزين بان
معمرية الطيب فيك والوئام
بنت الأصل أفنان يا بنت خلفان
***
ليلة فيها اكتمل بدر التمام
ليلة فيها كل الحسن زان
ليلة حلوة مثل زفات الحمام
ليلة عُمر هذي ليلتك يا أفنان
***
وأنا عمك عادل بأحلى كلام
جيت أهنيك يا بنت خلفان
جيت وبهديلك هدية ياغرام
جيت وبنثرلك ورد وريحان
***
واجب نهنيك يا درة سلام
ياملاك الكون يا رمز الحنان
كل جيرانك وأهلك والعمام
لك يبارك ويهني يا أفنان
***
ياعسى فرحك علينا كل عام
ياعسى عيدك على طول الزمان
ياعسى بسمتك تحيا بالكلام
ياعسى الكل يفرح بك في عمان
***
لك معزة خافية بين العظام
لك محبة سارية في كل مكان
لك خفوق خافق عالي المقام
لك نغني أغنية يو دان دان
